Les mots surlignés font l'objet d'une note
1Monsieur, jextime grand honneur et plaisir le bien que
2vous me faicte de me mander souvent de voz
3nouvelles, lesquelles jay receues du dix huictiesme
4de juing ; et comme à lun de mes meilleurs amys,
5je vous diray linfortune qui mest advenue, dequoy
6je suys merveillesement marry. Cest que je pense
7que ma femme ne se trouvera poinct enceinct car elle a
8passé tous le terme à quoy elle avoit esperance et
9a tousjours le ventre gros comme si elle estoit preste
10à acoucher, de facon que les médecins ny scavent
11que dire, craignant plustost de sa vie que dung
12enfantement. Jay entendu comme le roy met sa
13gendarmerie en garnison sur les frontières, qui est ung
14signal de meffiance avec le roy d’Espagne. Dieu veulhe
15quil nous en advienne bien. Il y a en ce pays ung
16brigand et voleur qui a esté pendu en effigie au Puy
17continuant tous les jours de faire de concussions et
18assasinementz et sestant adressé à ung de mes gens
19auquel il a faict la plus grand meschanceté qui se
20puisse dire, jay obtenu lettre du roy et de monseigneur
21son frère adressant à tous les prevostz, baillifz et senechaulx
22de ce pays qu’ilz facent leurs diligences de
23le prendre et dexecuter leur commission dans tous
24les pays où ilz le trouveront ; et pour ce que despuys
25peu de jours, jay entendu quil sest retiré en
26Daulphiné quelque foys cheuz ung maulcunié de St
27Valier, ou en quelque autre lieu là aux environs,
28je vous suplie me vouloir faire ce bien de commander
29au baillif de Chastelard de sen vouloir saisir
30en luy faisant aparoir de prinse de corps decernée
31[v°] contre luy et vous ferez une grand Votre plus humble à vous faire service
32St chamond
33aulmosne et
34sil vous plaict descripre audit baillif de Chastelard
35par ce pourteur, je luy feray tenir la lettre ; et si
36de par deça vous me voulés employer en quelque
37chose, vous scavés quelle puissance vous avés
38sur moy. Et en ceste mesme volenté, je presenteray
39mes humbles recommandations à votre bonne grâce
40en priant Dieu,
41Monsieur, vous mainctenir en parfaicte santé, très bonne
42et heureuse vie. De St Chamond, ce XXIIIIe julhet
431572
44Votre plus humble à vous faire service
45St chamond